اسلام آباد 19 مارچ (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې شطرنج هم مونږ لرو، چالونه او مستقبل هم مونږ سره دے، دا خلق د بادشاه راكوزولو لپاره راوتلي وو خو دوي ته معلومه نه وه چې په لار كښې به څومره ستونزې وي، دوي د عمران خان د مقبوليت نه خبر نه وو، د يو څو كسانو په خبرو كښې راتللو سره دوي ګڼله چې شايد د عمران خان مقبوليت كم شوے، ضمير فروشانو ته نوټسز جاري كړې شوي دي، مونږ دوي ته اووه ورځې وركړې دي، دوي بېرته راتللې شي، د كومو خلقو چې عمران خان سره ګزاره نه كېږي او په خېټه ئې درد دے، مونږ دوي ته دارو وركولو ته تيار يو، د عمران خان نه بغېر د پاكستان سياست مكمل نه دے او د تحريك انصاف نه بغېر د پاكستان حكومت مكمل نه دے. ده دا خبرې د خالي په ورځ په بني ګاله كښې مېډيا سره د خبرو په مهال وكړې. په دې موقع د توان وفاقي وزير حماد اظهر هم موجود وو. د اطلاعاتو وفاقي وزير ووئيل چې زمونږ سياسي مخالفين په هوش كښې راغلي دي او دوي ته معلومه شوې ده چې عمران خان او پي ټي آئي په اولس كښې څومره مقبول دے. ده ووئيل چې نن د وزيراعظم په مشرې كښې په غونډه كښې د توان وفاقي وزير حماد اظهر د برېښنا په بېعهه كښې د پنځو روپو په كمي كولو مننه شوې. ده ووئيل چې د پېټرول او برېښنا په بيعو كښې كمي هرې يوې طبقې ستائيلې ده.چوهدري فواد حسېن ووئيل چې په پاكستان كښې پرون سوله ايز احتجاج لپاره خلق راوتلي وو، هغوي د پاكستان اتلان دي، مونږ په ښه او بدو كښې فرق كول دي، امر بالمعروف و نهي عن المنكر زمونږ د سوسائټۍ بنياد دے. ده ووئيل چې د ډي چوك د غونډې تهيم به امر بالمعروف وي. ده ووئيل چې د سندھ هاٶس په وړاندې د سندھ پوليس پهره لګول شوې، مونږ به څوك په قېد كښې نه پرېږدو، ټولو خلقو ته به د بهر راتللو موقع وركوو.
شطرنج هم مونږ لرو، چالونه او مستقبل هم مونږ سره دے، ضمير فروشانو ته نوټسز جاري كړې شوي دي، د عمران خان نه بغېر د پاكستان سياست مكمل نه دے. د اطلاعاتو او خپرونو وفاقي وزير چوهدري فواد حسېن مېډيا سره خبرې
مضمون کا ماخذ : قزاقوں کی کافی مقدار
متعلقہ مضامین
