اسلام آباد۔7جنوری (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو کھیݙ کوں سیاست اتے سیاست کوں کھیݙ اچ نی رلاوݨا چاہیدا، 2025ء خوشخبریاں اتے سیاسی استحکام دا سال اے، اڑان پاکستان ہک وژن اے، اساں اڑان پاکستان پروگرام نال شاہین وانڳ ٹیک آف کرݨے۔ سیاستدان آپت اچ ڳالھ مہاڑ اتے مذاکرات کریندے رہسن۔ اے ڳالھیں انہاں منگل کوں شالیمار کرکٹ گراؤنڈ اچ میڈیا کرکٹ لیگ 2025ء دے افتتاح دے موقع تے میڈیا نال ڳالھ مہاڑ کریندیں ہوئیں آکھی۔ وفاقی وزیر اطلاعات جنگ میڈیا گروپ ??ودھے سارے سپانسرز اتے کرکٹ لیگ اچ شریک ساری ٹیماں کوں مبارخ ݙتی۔ وفاقی وزیر آکھیا جو جنگ میڈیا گروپ ??یجھے ایونٹس اچ ہمیشہ اہم کردار ادا کیتے۔ انہ??ں آکھیا جو شالیمار کرکٹ گرائونڈ کرکٹ دا سوھݨا میدان اے جتھ شائقین کوں چنڳا کھیݙ ݙیکھݨ کوں ملدا پئے۔ انہاں میڈیا کرکٹ لیگ اچ شامل ساری ٹیماں کیتے نیک خواہشات دا اظہار کیتا اتے آکھیا جو وزارت اطلاعات تے نشریات ونرز اتے رنر اپ ٹیماں دی حوصلہ افزائی کریسی۔ انہ??ں آکھیا جو عالمی سطح تے وی پاکستان اڳوں ودھ تے وݙی جت ڳھدن، چیمپئنز ٹرافی وی پاکستان امدی پئی اے جو پاکستان اچ وݙا ایونٹ اے جئیں تے پوری قوم خوش اے۔ انہ??ں آکھیا جو محسن نقوی وزیراعظم دی قیادت اچ چنڳا کم کریندے پئن۔ وفاقی وزیر اطلاعات آکھیا جو شنگھائی تعاون تنظیم دے کامیابی تے ساریاں کوں پتہ لڳ ڳئے جو اساں وݙے ایونٹس کرا سڳدوں۔ انہ??ں آکھیا جو کھیݙ کوں سیاست اتے سیاست کوں کھیݙ اچ نی رلاوݨا چاہیدا، 2025ء خوشخبریاں اتے سیاسی استحکام دا سال اے، اڑان پاکستان ہک وژن اے، اساں اڑان پاکستان پروگرام نال شاہین وانڳ ٹیک آف کرݨے۔ انٹرنیٹ بارے ٻہوں بہتری آئی اے، ماضی اچ کڄھ مسئلے ہن پر ہݨ بغیر ثبوت تے سیاسی ڳالھ کیتی ویندی پئی اے۔ انہ??ں آکھیا جو دنیا دے کئی ملکاں اچ انٹرنیٹ تکنیکی مسئلے امدے رہندن پر اساں کنے کافی بہتر اے۔ انہ??ں آکھیا جو بغیر ثبوت دے وی پی این بارے پروپیگنڈا کیتا ڳئیا۔ انہ??ں آکھیا جو پاکستان اچ سستا انٹرنیٹ ملدا پئے۔ ہک سوال دے ولدے اچ انہ??ں آکھیا جو کھیݙ کوں سیاست توں اںج رکھیا ونڄے۔ ہک سوال دے ولدے اچ انہ??ں آکھیا جو کہیں دی کردار کشی نی تھیوݨٰی چاہیدی، اے اساݙی تربیت کائنی، اساں چاہندوں جو تریمتیں کہیں وی جماعت دی ہوون انہاں کیتے عزت تے وقار ہووے۔ ہک سوال دے ولدے اچ انہ??ں آکھیا جو ری??یو پاکستان اچ اصلاحات کیتی ویندی پئن۔ پی ٹی وی اچ ری ویمپنگ کیتی ڳئی اے۔ ری??یو پاکستان اچ اصلاحات کیتی ویسن اتے کمنٹری تے خصوصی توجہ ݙتی ویسی۔
کھیݙ کوں سیاست اتے سیاست کوں کھیݙ اچ نی رلاوݨا چاہیدا، 2025ء خوشخبریاں اتے سیاسی استحکام دا سال اے، اڑان پاکستان ہک وژن اے، اساں اڑان پاکستان پروگرام نال شاہین وانڳ ٹیک آف کرݨے، عطاء اللہ تارڑ
مضمون کا ماخذ : بونانزا
متعلقہ مضامین
