اسلام آباد 22 دسمبر(اے پي پي) د جماعت اسلامي امير سناتور سراج الحق وئيلي دي چې بايد نړيواله ټولنه د كشمير مسئلې حل لپاره خپل كردار ترسره كړي، په كشمير كښې د بشري حقونو څخه سختې سرغړونې روانې دي، د كشمير مسئله د هند د تقسيم نامكمل اېجنډا ده، جماعت اسلامي به په هر فورم د كشميريانو د حقونو جنګ كوي. ده دا خبرې د اتوار په ورځ په ډي چوك كښې د كشمير مارچ په اړه د انتظاماتو د جاج اخستلو په مهال مېډيا سره په خپلو خبرو كښې وكړې. سراج الحق ووئيل چې د اسلام آباد د تاريخ تر ټولو لوي مارچ كېږي چې پكښې به د ټول هېواد نه د لكونو په شمېر خلق ګډون كوي. ده ووئيل چې د دې مارچ مقصد د نړيوالې ټولنې پام د كشمير مسئلې ته راړول دي. ده ووئيل چې هند په مقبوضه كشمير كښې د بشري حقونو څخه سختې سرغړونې كوي، بايد ملګري ملتونه ئې دستي نوټس واخلي او بايد د خپلو قراردادونو له مخې د كشمير مسئله حل كړي.
بايد نړيواله ټولنه د كشمير مسئلې حل لپاره خپل كردار ترسره كړي. سناتور سراج الحق
مضمون کا ماخذ : مصر کی میراث
متعلقہ مضامین
