اسلام آباد 16 مئي (اے پي پي) د وزيراعظم شهباز شريف لخوا د پخواني وزيراعظم عمران خان د فول پروف امنيت باوري كولو په سپارښتنه د كورنيو چارو وزارت پوليس او قانون نافذ كوونكو ادارو ته پخواني وزيراعظم لپاره د مقرر امنيتي اهلكارو په ځائ كولو عملدرآمد لپاره وئيلي دي. د ګل په ورځ د كورنيو چارو د وزارت لخوا جاري شوي بيان له مخې د پخواني وزيراعظم د بني ګاله كور امنيت لپاره د پوليس او اېف سي 94 اهلكار په ځائ كړې شوي چې پكښې د اسلام آباد پوليس 22 او د اېف سي 72 اهلكار شامل دي. د دې نه علاوه د خېبر پښتونخوا پوليسو لخوا د پوليسو 36 او د ګلګت بلتستان پوليس 6 اهلكار هم د هغوي د اړوندو حكومتونو لخوا د پخواني وزيراعظم امنيت لپاره په ځائ كړې شوي. د اېس اېم اېس امنيتي كمپنې 26 او د عسكري امنيتي كمپنې 9 اهلكار هم د بني ګاله هاٶس په امنيت مامور دي. د پخواني وزيراعظم عمران خان د اسلام آباد څخه بهر موومنټ لپاره د اسلام آباد پوليس څلور ګاډي او 23 اهلكار او د رېنجر يو ګاډې او 5 اهلكار هر وخت موجود وي. د كورنيو چارو وزارت له مخې تهريټ اسېسمنټ كميټي د پخواني وزيراعظم د امنيت د چارو پرله پسې جاج اخلي. وزيراعظم شهباز شريف هم په دې لړ كښې واضح هدايات وركړي. د كورنيو چارو وزارت لخوا جاري شوي بيان له مخې وزيراعظم عمران خان كه كومه خاص اطلاع لري نو هغه دې د كورنيو چارو وزارت سره ضرور شريكه كړي چې دغسې هغه لپاره د امنيت نور انتظامات وكړے شي. څو ورځې وړاندې پخواني وزيراعظم عمران خان په اولسي غونډه كښې د د ځان خطر په اړه د اندېښنو څرګندونه كرې وه . د پخواني وزيراعظم په توګه د هغه ذمه واري ده چې هغه د دې خطرو ، سازش او نورو معاملو څخه د كورنيو چارو وزارت او اړوندې ادارې خبر كړي. دغسې د كورنيو چارو وزارت به د پخواني وزيراعظم عمران خان څخه د ترلاسه شوو معلوماتو او شواهدو په رڼا كښې لا ګامونه پورته كوي.
د وزيراعظم شهباز شريف په سپارښتنه د كورنيو چارو وزارت لخوا د پخواني وزيراعظم د فول پروف امنيت باوري كولو اقدامات
مضمون کا ماخذ : جنگل کی روح: جنگلی کی کال
متعلقہ مضامین
