اسلام آباد 17 جون (اے پي پي) داخله وزير شېخ رشيد احمد وئيلي دي چې د پاكستان نيمه آبادي په مېرمنو مشتمل ده٬ موجوده حكومت دوي په قامي چوكاټ كښې شاملولو لپاره ستړې كوي٬ د پاکستان پرمختګ لپاره مېرمنې د هېواد په ميعشت كښې شاملول ضروري دي٬ په اوسني بجټ كښې د مېرمنو سماجي او معاشي پرمختګ لپاره يو شمېر اقدامات تجويز كړې شوې دي، مېرمنو ته كاروبار زياتولو لپاره په ترجيحي بنيادونو قرضې وركولې كېږي۔ د دې خيالاتو څرګندونه ده د زيارت په ورځ د اسلام آباد ښځينه چېمبر آف کامرس صدر ثمينه فضيل په مشرۍ كښې پلاوي سره په خبرو كښې وكړه۔ د ملاقات په مهال په اسلام آباد كښې مېرمنو ته د كاروباري سهولتونو وركولو او دلته مېرمنو لپاره د خاص ماركيټ جورولو پحقله خبرې وشوې۔ داخله وزير ووئيل مېرمنو ته كاروبار زياتولو لپاره به په ترجيحي بنيادونو قرضې وركولې كېږي چې پكښې به د سټال هولډرز مېرمنې وي٬ ھغه مېرمنو ته به ترجيح وركوٶ د كومو چې كاروباري وسائل محدود وي او د ښځينه چېمبر آف کامرس مېرمنو ته به په ماركيټ كښې شراكتداري وركوٶ۔ ده ووئيل په نادرا او پاسپورټ آفس كښې به مېرمنو لپاره جلا ډېسك جوړولې شي۔ په دې موقع د ښځينه چمېبر آف كامرس پلاوي د داخله وزير شېخ رشيد احمد مننه وكړه۔
بجټ كښې د مېرمنو سماجي او معاشي پرمختګ لپاره يو شمېر اقدامات تجويز كړې شوې دي۔ د داخله وزير شېخ رشيد احمد پلاوي سره خبرې
مضمون کا ماخذ : apostas dupla sena
متعلقہ مضامین
