اسلام آباد 31 اکتوبر (اے پي پي) خارجه وزير بلاول بھټو زرداري به (نن) د نهې په ورځ په بيجنګ كښې كېدونكې د شنګھائي مرستې تنظيم (اېس سي او) د حكومتي مشرانو غونډه كښې د پاكستان نمائندګي كوي٬ كومه چې د كووېډ-19 بنديزونو له امله په ورچوئل فارمېټ كښې كېږي۔ د خارجه دفتر لخوا د جاري شوي بيان له مخې د غونډې مشري به د عوامي جمهوريه چين د رياستي کونسل وزير اعظم لي کي کيانګ كويي او په دې كښې به د قزاخستان، کرغزستان، روسيه، تاجکستان او د ازبکستان حكومتي مشران ګډون كوي٬ د شنګھائي مرستې تنظيم په مبصر هېوادونو كښې بېلاروس، ايران او د منګوليا مشران به هم په غونډه كښې ګډون كوي٬ د حکومتي مشرانو كونسل د شنګھائي مرستې تنظيم (اېس سي او) دوېم اعلیٰ ترين فورم دے كوم چې د اېس سي او غړو هېوادونو ترمېنځه تجارت، ماليات او د سماجي او اقتصادي مرستې په څانګو كښې همكارۍ ته پام ګرځوي٬ د شنګھائي مرستې تنظيم بنيادي مقصدونو كښې د غړو هېوادونو ترمېنځه د شريك باور او د ګاٶنډي هېوادونو ترمېنځه ښه اړيكو ته وده وركول٬ سيمه ايز امن او استحكام مضبوطول شامل دي۔ په غونډه كښې به په اهمو سيمه ايزو او نړيوالو مسئلو غور كولے شي او د ګډې اعلاميه به هم جاري كولې شي ٬ د دې نه علاوه به كال 2023 لپاره د شنګھائي مرستې تنظيم د بجټ منظوري هم وركولې شي۔ په غونډه كښې به تجارت او معيشت، نقل و حمل او رابطو، سائنس او ټيکنالوجي، موسمياتي بدلون، كلتور، توان او په سېلګرۍ كښې مرستې لپاره په بشپړه مرسته هم غور كولے شي۔ پاکستان د شنګھائي مرستې تنظيم ته ډېر اهميت وركوي، اېس سي او يو ګڼ اړخيزه اهم سيمه ايز تنظيم دے كوم چې د نړيوال جي ډي پي 24 فيصده نه زياتو سره د نړۍ نزدې د نيمې آبادۍ نمائندګي كوي۔ د پاکستان نه علاوه د شنګھائي مرستې تنظيم په غړو هېوادونو كښې چين، روسيه، قزاخستان، کرغزستان، ازبکستان، تاجکستان او هند شامل دے
خارجه وزير بلاول بھټو زرداري به د شنګھائي مرستې تنظيم سر مشريزه غونډه كښې د پاكستان نمائندګي كوي
مضمون کا ماخذ : لاٹری کے اعداد و شمار
متعلقہ مضامین
