خیبرپختونخوا میں پہلی مرتبہ اینٹوں کی بھٹیوں کو بھی قانونی دائرہ اختیار کے اندر لاتے ہوئے صنعت کا درجہ دے دیا گیا۔اس سلسلے میں خیبرپختونخوااسمبلی نے اینٹوں کے بھٹوں کی ریگولرائزیشن کے فیصلے کے تحت اینٹ بھٹوں کی رجسٹریشن بل مجریہ 2024 کی منظوری دے دی۔
منظور?? کے بعد پہلے سے موجود بھٹوں کو 120 دن کے اندر رجسٹرڈ کرنا ہوگا، نئے بھٹے کے قیام سے قبل سرٹیفیکیٹ کا حصول لازمی ہوگا اور قانون کی خلاف ورزی پر 6 ماہ تک قید اور 2 لاکھ تک جرمانہ ہوگا۔
گزشتہ روز معاون خصوصی کریم خان نے خیبرپختونخوا میں اینٹوں کے بھٹوں کی رجسٹریشن بل مجریہ 2024 م??ظوری کیلئے ایوان میں پیش کیا جس کی رو سے بھٹوں کو صنعت کا درجہ دیا گیا ہے، رجسٹریشن کے بغیر کوئی شخص بھٹہ نہیں چلا سکے گا۔
رجسٹریشن کیلئے ڈائریکٹوریٹ جنرل آف انڈسٹریز اینڈ کامرس اتھارٹی قائم کرے گی ، قانون کی منظور?? کے بعد پہلے سے موجود بھٹوں کو 120 دن کے اندر رجسٹرڈ کرنا ہوگا، بل میں بھٹوں کے رجسٹریشن کا طریقہ کار بھی وضع کیا گیا ہے۔
بھٹہ قائم کرنے سے پہلے رجسٹریشن سرٹیفیکیٹ لینا ضروری ہوگا، بھٹوں کی رجسٹریشن کیلئے اتھارٹی قائم کی جائے گی،انوائرمنٹل فرینڈلی ٹیکنالوج?? کے استعمال کے بغیر بھٹے رجسٹرڈ نہیں کئے جائیں گے، اسکول ، اسپتال ،ٹرانسمیشن لائن اور جنگلات کے قریب بھٹوں کے قیام اور رجسٹریشن کے اجرا پر پابندی ہوگی جبکہ ایکٹ کے خلاف ورزی پر چھ ماہ قید اور دو لاکھ جرمانہ تجویز ہوگا۔
پیپلز پارٹی پارلیمنٹرین کے ایم پی اے کی جانب سے پیش کردہ ترامیم کو بھی بل کا حصہ بنادیا گیا جس کے تحت شق 14 (2) ایپلیٹ اتھارٹی دائر کردہ اپیل پر دو ماہ کے اندر فیصلہ سنائے گی، جبکہ شق 18کے تحت چار ماہ میں رولز بنانے کی ترمیم کو بھی قانون سازی کا حصہ بنایا گیا ہے۔
